ഒരുമ്മ

 ****

ഇനി എല്ലാവരും ഒന്ന് കണ്ണടച്ചേ,

ശ്വാസം ഒന്ന് വലിച്ചു വിട്ടേ.. ബ്രീത് ഇൻ .. ബ്രീത് ഔട്ട് ... (5 തവണ)

നിങ്ങളുടെ അച്ഛനും അമ്മയും നിങ്ങളെ സ്നേഹിക്കുന്നില്ലേ...നിങ്ങൾക്കു അത് തിരിച്ചു കൊടുക്കാൻ പറ്റുന്നുണ്ടോ.

അച്ഛനേം അമ്മേം ഒന്ന് കെട്ടിപിടിച്ചു ഒരു ഉമ്മ കൊടുത്തു ഐ ലവ് യു  എന്ന് തിരിച്ചു പറയാൻ നിങ്ങൾക്കു പറ്റുന്നുണ്ടോ എന്ന് ഒന്ന് ആലോചിച്ചേ..

നിങ്ങൾ ഒരു നല്ല കുട്ടി ആണോ ?

അവര് പറയുന്ന പോലെ നിങ്ങൾ പഠിക്കുന്നുണ്ടോ..

രാവിലെ അമ്മ എഴുന്നേൽക്കാൻ പറയുമ്പോ നിങ്ങൾ തിരിച്ചു എന്താ പറയാ.. 

അച്ഛൻ

എന്തെങ്കിലും ചെയ്യാൻ പറയുമ്പോഴോ?

നിങ്ങൾ അവരോടു ദേഷ്യപ്പെടാറുണ്ടോ? 

നിങ്ങൾക്കൊരു വിഷമം വരുമ്പോൾ, അസുഖം വരുമ്പോൾ നിങ്ങൾക്കു വേണ്ടി ഏറ്റവും കൂടുതൽ സമയവും ചിലവാക്കുന്ന താരാ....

എനിക്കിപ്പോഴും ഓർമ്മയുണ്ട് കുട്ടിക്കാലത്ത് എനിക്കു ശ്വാസംമുട്ടൽ വരുമ്പോൾ രാത്രി കൂടെ ഇരിക്കുന്ന അമ്മയെ..  ഒരു പകലിന്റെ മുഴുവൻ അധ്വാനവും കഴിഞ്ഞു വന്നു ഒരു ചായ പോലും കുടിക്കാൻ നിൽക്കാതെ ഒരു സൈക്കിളിൽ എന്നേയും കൊണ്ട് ഡോക്ടറുടെ വീട്ടിലേക്കോടുന്ന അച്ഛൻ. 

നമ്മൾ കരയുമ്പോ അമ്മ ചിരിക്കാറുണ്ടോ ? അതോ വേദനിക്കുമോ?

നീ കരയുന്ന കേട്ട് നിങ്ങളുടെ 'അമ്മ ചിരിച്ച ഒരു ദിവസം ഉണ്ടായിരുന്നു 

ആദ്യമായി നിങ്ങളുടെ കരച്ചിൽ കേട്ട ദിവസം... അമ്മക്ക് അത് ഇപ്പോഴും ഓർമ  കാണും..  ചോദിച്ചു നോക്കണം 

ഒരു കുഞ്ഞുണ്ടാവാൻ പോകുന്നു, അതായത്നിങ്ങൾ ഉണ്ടാവാൻ പോകുന്നു എന്ന്  നിങ്ങളുടെ അമ്മ മനസ്സ്സിലാക്കിയ ദിവസം.

അത് അച്ഛനോട് പറഞ്ഞപ്പോൾ ഉള്ള സന്തോഷം 

അച്ഛനും അമ്മയും കൂടി നാളുകൾ എണ്ണി, സ്നേഹം ഉരുക്കി നിങ്ങൾക്കു വേണ്ടി അവർ കാത്തിരുന്നത് .

എന്തൊക്കെ ബുദ്ധിമുട്ടുകൾ ആയിരുന്നു അമ്മക്ക്,  ആഹാരം കഴിക്കാൻ വയ്യ, ഇടയ്ക്കിടെ ബിപി വേരിയേഷൻ. കാലിൽ നീര് ,  ഉറങ്ങാൻ കിടക്കുന്ന രീതി പോലും നിങ്ങൾക്കു വേണ്ടി മാറ്റി വച്ചിട്ടുണ്ട് നിങ്ങളുടെ 'അമ്മ.  

ഓരോ ദിവസവും വയറ്റിൽ നിങ്ങൾ അനങ്ങുന്നതും നോക്കി, അത് ഒന്ന് കുറയുകയോ കൂടുകയോ ചെയ്താൽ അച്ഛനെ കൂടെ വിളിച്ചു ടെൻഷൻ ആക്കി, പിന്നെ ഹോസ്പിറ്റലിലേക്കു ഓടി, എത്ര ആധി എടുത്തിട്ടാണ്  നിങ്ങൾ ജനിക്കുന്ന ആ ദിവസം വന്നെത്തിയത്..

കരിമ്പിൻ ജ്യൂസ് ഉണ്ടാകുന്ന മെഷീൻ കണ്ടിട്ടില്ലേ അതിൽ കൈ പോയാൽ എത്ര വേദന എടുക്കും ?

അതിനേക്കാൾ കൂടുതൽ വേദന 'അമ്മ സഹിച്ചിട്ടുണ്ട് നിങ്ങൾ ജനിച്ചു വീണപ്പോൾ.. അത്രയും വേദന കഴിഞ്ഞു നിങ്ങളുടെ കരച്ചിൽ ആദ്യമായി കേൾക്കുമ്പോൾ,  ആ കഷ്ടപ്പാടിനിടയിലും ഒന്ന് പുഞ്ചിരിച്ചിട്ടുണ്ടാവു, നിങ്ങളെ നെഞ്ചോടു ചേർത്തു പിടിച്ചപ്പോൽ കിട്ടിയ സന്തോഷം ഒന്ന് ചോദിച്ചു നോക്കണം.. 

അത്രയ്ക്ക് സ്നേഹമാടോ..

ഇതൊക്കെ നടക്കുമ്പോൾ അച്ഛൻ ചുമ്മാ ഇരിക്കുകയാണ് എന്ന് കരുതരുത്.. അമ്മക്ക് വേണ്ടതെല്ലാം കൊടുത്തു അച്ഛൻ കൂടെ നിന്നു, കരിക്കു വേണം എന്ന് 'അമ്മ പറഞ്ഞിട്ട് പാതിരാത്രി ത്തെങ്ങിൽ കയറിയ അച്ഛനെ എനിക്കറിയാം.. അമ്മയെ  ആശുപത്രിയിൽ കൊണ്ടുപോകാന് വണ്ടി വിളിക്കാന് ഓടി നടന്ന അച്ഛൻ. നിങ്ങടെ വരവും നോക്കി ഒരിറ്റു വെള്ളം കുടിക്കാതെ ആശുപത്രിയിൽ ലേബർ റൂമിന്റെ മുന്നിൽ കാത്തിരുന്ന അച്ഛന്..

അച്ഛൻ എത്ര കഷ്ടപെട്ടിട്ടുണ്ടാവും, അച്ഛൻ ആദ്യമായി നിങ്ങളെ കൈയ്യിലെടുത്ത സമയമൊന്നു  ചോദിച്ചു നോക്ക്  സന്തോഷം കണ്ണുനീരായി വന്നു  കാണും.

അന്ന് മുതൽ ഇന്നോളം നിങ്ങൾക്കു വേണ്ടി കഷ്ടപ്പെടുന്ന അച്ഛൻ..

നിങ്ങളുടെ അച്ഛൻ ഇന്നലെ കൊണ്ട മഴയാണ് നിങ്ങൾ ഇന്നനുഭവിക്കുന്ന കുളിർ , അച്ഛൻ ഇന്നലെ കൊണ്ട വെയിൽ ആണ് നിങ്ങളുടെ ഇന്നത്തെ തണൽ. 

അച്ഛനും അമ്മയും നിങ്ങളെ ഒരുപാട് സ്നേഹിക്കുന്നുണ്ട്.. അവർ ജീവിക്കുന്നത് നിങ്ങൾക്കു വേണ്ടി ആടോ..

നിങ്ങൾ എങ്ങനെ ആണേലും അവര് നിങ്ങളെ സ്നേഹിക്കും.. 

ആ അച്ഛനേം അമ്മേം ഒന്ന് കെട്ടിപിടിച്ചു ഒരു ഉമ്മ കൊടുക്കണം ഇന്ന് തന്നെ. 

.

.

എല്ലാവരും എല്ലാ കാലവും നമ്മളോടൊപ്പം ഉണ്ടാവില്ലല്ലോ..

അച്ഛനും അമ്മയും നമ്മളോടൊപ്പം ഇല്ലെങ്കിൽ, അവർ നമ്മളെ വിട്ടു പിരിഞ്ഞെങ്കിൽ,  അതുപോലെ നമ്മളെ സ്നേഹിക്കുന്നവർ ക്കു കൊടുക്കണം ആ ഉമ്മ.

നമ്മെ സ്നേഹിക്കുന്നവർക്കു വേണ്ടി കുറച്ചു കാര്യം ചെയ്യാൻ നിങ്ങൾക്കു പറ്റില്ലേ?

രാവിലെ എന്നും ഇത്തിരി നേരത്തെ എണീക്കാൻ നിങ്ങൾക്കു പറ്റില്ലേ..

നന്നായി പഠിക്കാൻ പറ്റില്ലേ.. അമ്മയെ ഇത്തിരി സഹായിക്കാൻ പറ്റില്ലേ..

അച്ഛൻ പറയുന്ന കേട്ട്  നല്ല ഒരു കുട്ടി ആൻ പറ്റില്ലേ,     

.

.

ഇത് വരെ ചെയ്തുപോയതെല്ലാം വിട്ടുകള.. ഇനി അങ്ങോട്ട് ഇതെല്ലം ചെയ്യും എന്ന് ഒന്ന് ഉറപ്പിച്ചു പറഞ്ഞേ ..

ഞാൻ നന്നായി പഠിക്കും, 

മടി പിടിച്ചു ഇരിക്കില്ല 

അമ്മയും അച്ഛനും പറയുന്നത് കേൾക്കും..

നേരത്തെ എണീക്കും.

ഒരു തീരുമാനം എടുത്തേ..

ഇത് വരെ ഉള്ള നിങ്ങൾ അല്ല.. ഇനി അങ്ങോട്ട്..

സ്മാർട്ട്  കുട്ടികൾ ആണ് നിങ്ങൾ...

[കടപ്പാട്]