ഒരു കഥ പറയാം
ഒരു ഓട്ടമത്സരത്തിന്റെ കഥ.
സാധാരണ ഓട്ടമത്സരം അല്ല, ജയിക്കുന്നവൻ ലോകത്തിന്റെ നെറുകയിൽ എത്തുന്ന ഒട്ടമത്സരം . തോല്കുന്നവരോ? തോല്കുന്നവനു അവന്റെ ജീവൻ നഷ്ടപ്പെടും.
ഇങ്ങനെ ഒരു ഓട്ടമത്സരത്തിനു നിങ്ങൾ പങ്കെടുക്കുമോ?
ഇല്ല അല്ലെ ?
പക്ഷെ കുറച്ചൊന്നുമല്ല ആളുകൾ ഈ ഓട്ടമത്സരത്തിൽ പങ്കെടുത്തത്, ഒന്നും രണ്ടും അല്ല, 500 ദശലക്ഷം പേര് പങ്കെടുത്തു,
ഓട്ടം തുടങ്ങി
ആദ്യ കുറച്ചു സമയം കഴിഞ്ഞപ്പോഴേ, പുറകിലായവരെ എല്ലാം മാറ്റി, എല്ലാവരും മരിച്ചു വീണു, ഏകദേഹം 400 ദശലക്ഷം പേരും മരിച്ചു.
ബാക്കി ഉള്ളവർ വാശിയോടെ ഓടി
അങ്ങനെ ഓരോരുത്തരെയും പുറകിലാക്കി നമ്മുടെ നായകൻ ഓടി, പുറകിൽ ആണെങ്കിൽ തട്ടിവീണവരും, ഓടാൻ പറ്റാത്തവരും മരിച്ചുവീണുകൊണ്ടിരുന്നു.
അവസാനം ജയിക്കുന്ന പോയിന്റ് എത്താറായപ്പോൾ വെറും രണ്ടു പേര് മാത്രം, ഫിനിഷിങ് ലൈൻ ലു ഫോട്ടോ ഫിനിഷോടു നമ്മുടെ നായകൻ മാത്രം ഓടി കയറുന്നു
അങ്ങനെ ആ വലിയ ഓട്ടമത്സരത്തിൽ ജയിച്ച ആ ഏറ്റവും മികച്ച ഓട്ടക്കാരൻ ലോകത്തിന്റെ നെറുകയിൽ എത്തി.
ആ ആൾ ആരാണെന്നു അറിയാമോ ?
ഉസൈൻ ബോൾഡ് ആണോ ?
നിങ്ങൾക്കു നന്നായി അറിയാവുന്ന ഒരാളാ അത്.
PT ഉഷ ആണോ?
.
.
ആദിലെ അത് താൻ ആടോ, അജിത്തേ, അജിത്ത് ആണാ വിജയി.
നിങ്ങളോരോരുത്തരും, ആണാ വിജയി.
എങ്ങനാണെന്നോ , ഈ മാഷിനു വട്ടാണെന്നോ ?
നോക്കാം
നിങ്ങടെ അച്ഛനിൽ നിന്നും അമ്മയിലേക്കു വന്ന 500 ദശലക്ഷം ബീജങ്ങളിൽ നിന്ന് വെറും ഒരു കുഞ്ഞി വാലുകൊണ്ടു തുഴഞ്ഞു ബാക്കി എല്ലാരേം പിന്നിലാക്കി, സെർവിക്സ് കടന്നു ഗർഭപാത്രം കടന്ന് ഫലോപ്യൻ ട്യൂബിൽ വച്ച് അമ്മയിൽ നിന്ന് വന്ന അണ്ഡവുമായി സഹജാത ഇരട്ടകൾ അല്ലാത്ത പക്ഷം ഒരേ ഒരു ബീജം, മാത്രം അതും അമ്മയുടെ ജീവിതകാലത്തിൽ വരാൻ സാധയതയുള്ള 400 അണ്ഡങ്ങളിൽ ഒന്നുമായി ചേർന്ന് സിക്താണ്ഡമായി പിന്നെ അത് ഭ്രൂണമായി വളർന്നു കുഞ്ഞാവ ആയി മാറുന്നു.. നിങ്ങൾ ആയി മാറുന്നു, എന്തൊരു വിജയമാണ് അത് ?
നിങ്ങളൊക്കെ ജനിച്ചപ്പോഴേ വിജയച്ചവരാ.
ആ നിങ്ങൾ ആണ് എനിക്ക് കഴിവില്ല , പഠിക്കാൻ പറ്റുന്നില്ല, പാടാൻ പറ്റുന്നില്ല എന്നൊക്കെ പറയുന്നേ.
പ്രകൃതിയുടെ ഏറ്റവും വലിയ പരീക്ഷണത്തിൽ നിങ്ങൾ വിജയിച്ചവർ ആണ്
ജനിച്ചപ്പോഴേ വിജയിച്ചവർ , തീയിൽ കുരുത്തവർ
ലോകത്തിന്റെ നെറുകയിൽ എത്തിയവർ... വേറെ ലവൽ
ഇനി നിങ്ങൾ നട്ടെല്ല് നിവർത്തി നെഞ്ചത്ത് കൈ വച്ചു അഭിമാനത്തോടെ ഒന്ന് പറഞ്ഞേ.. ഞാൻ കൊലമാസ്സ് ആണെന്നു , ഞാൻ വിജയിച്ചു മുന്നേറും എന്ന്.
കഥ ഇഷ്ടായോ .. ?
[കടപ്പാട്]
Comments
Post a Comment